「屯門梳乎里」活動回顧

「屯門梳乎里」最近繼續舉辦唔少正念減壓導賞團，帶領大家走訪屯門區不同的身心療癒的景點，包括三聖青山灣海濱長廊、T-Park、藍地新村壁畫等等，仲有幸遇見藍地新村壁畫其中一位藝術家，參加者更與藝術家交談及合照添！
而6月份我哋亦於Party Room舉辦聯盟聚會，參加者由導師及精神康復者帶領下玩遊戲輕鬆一番，更有分享環節，可以藉此機會了解精神康復者於職場的經歷。

#樂喜聚 #身心健康先係健康 #屯門梳乎里 #導賞團 #正念 #減壓 

---

正念減壓導賞團

大家好！又係我哋屯門梳乎里！

廣受歡迎嘅導賞團又黎啦！
一如以往，我哋喺6月會舉辦2場正念減壓導賞團，地點分別係三聖漁村同幻愛橋+龍鼓灘！全程有旅遊巴接送，又有屯門友達人教下大家正念減壓嘅練習，當然仲有豐富紀念品添！大家有興趣可以一齊欣賞吓屯門值得欣賞嘅地方，同時又可以鬆一鬆啦！費用全免架！
​
(如欲報名請按此)
​

---

屯門友達人工作坊

我們最近期的活動就是屯門友達人工作坊! 活動目的是培訓一班關心精神健康的屯門街坊成為「屯門友達人」! 讓他們把學到的知識來關心自己、關心身邊的朋友及其他屯門友的精神健康! 完成三節課程更可獲得「屯門友達人」證書，並參與聯盟聚會，更有機會受聘成為往後活動的導賞員，服務屯門區的居民!

---

富泰欣田街站

大家好！我地屯門梳乎里喺最近就分別係富泰邨同欣田邨舉辦咗社區教育街站，除咗派發單張，我地都送咗防疫物資比屯門街坊，多謝咁多位屯門街坊支持我地！而喺過程中，我地都聽到唔少街坊都因為疫情而導致有小小情緒同精神困擾！大家除咗注意生理上嘅健康，都要關注精神健康呀！
 
當然，如果真係有問題，都可以搵我地傾下架！而我地係7月份，都會舉辦有關精神健康同減壓嘅工作坊，有興趣都可以依照單張單上嘅電話或者掃QR code報名！
 
最後最後，我地定時係屯門唔同地方都會舉辦社區教育街站，街坊得閒都可以過黎支持吓我地，了解更多有關精神健康嘅資訊呀！
​
我地到時見啦！

---